“Më bëre të ndihem shumë e re me atë video”, Meloni batuta me Ramën: Uroj Edin për rizgjedhjen e tij “tërësisht të papritur” si kryeministër

Pas momenteve gazmore në tapetin e kuq ku kryeministri Edi Rama u ul në gjunjë teksa i uroi mirëseardhjen homologes italiane, Giorgia Meloni, në nisje të takimit të Komunitetit Politik Europian nuk munguan as batutat mes tyre.

Meloni iu drejtua Ramës se me videon e animuar e cila u transmetua më herët e kishte bërë të ndihej më e re.

Gjithashtu, shefja e qeverisë italiane uroi Ramën edhe për rizgjedhjen e tij si kryeministër për herë të katërt në zgjedhjet parlamentare të 11 majit.

Batuat e Melonit me Ramën

Edi Rama: Tani është nder që në emër të qytetarëve të protektoratit të Shqipërisë t’i jap fjalën kryeministres së Italisë dhe mbrojtëses së Shqipërisë, Giorgia Meloni.

Giorgia Meloni: Të dashur kolegë, mirëmëngjes të gjithëve. Më lejoni të falenderoj Edin, jo se jetojmë në protektorat, por për mikpritjen e bukur dhe për faktin që më ka bërë të ndjehem shumë e re me atë video që u shfaq në momentin e parë.

Uroj Edin edhe për rizgjedhjen e tij “tërësisht të papritur” si udhëheqës i qeverisë së Shqipërisë.

Fraksion.com