“Nderi im të heq sanksionet ndaj Sirisë”, Trump: Ne do të krijojmë një Lindje të Mesme që po lulëzon

‘Nderi im të heq sanksionet ndaj Sirisë’, tha presidenti Trump në fjalën e tij në samitin e Këshillit të Bashkëpunimit të Gjirit në Arabinë Saudite, i cili sapo ka përfunduar.

Trump vazhdoi fjalimin e tij duke folur për vendimin e tij për të hequr sanksionet ndaj Sirisë.

Ai thotë se kohët e fundit foli në telefon me presidentin turk Rexhep Tajip Erdogan dhe shton se është “nderi im” të heq sanksionet.

“Do të jetë një gjë e mirë”, thotë Trump. Pastaj ai thotë se ekziston edhe një shans që Libani të ketë “një të ardhme më të mirë” dhe një të ardhme që është “e lirë nga kontrolli i Hezbollahut”.

‘Ne do të krijojmë një Lindje të Mesme që po lulëzon’, tha Trump.

Duke përfunduar fjalimin e tij, Trump thotë se “e gjithë bota po flet për atë që po bëni ju”.

Ai këmbëngul se ata do të krijojnë një Lindje të Mesme që po “lulëzon” dhe “qendra gjeografike e botës”.

Trump përfundopn duke i dhënë më shumë lëvdata Mohammed bin Salman, duke thënë se ka qenë “një nder të kalojë kohë” me princin e kurorës saudite.

Trump tha gjithashtu se shpreson që më shumë vende do të normalizojnë marrëdhëniet me Izraelin

Trump tha se në fund të mandatit të tij të parë, i gjithë momenti në Lindjen e Mesme ishte “drejt paqes”.

Ai shpreson të vazhdojë progresin, i tha të pranishmëve, duke e quajtur zgjedhjen e tij “më të rëndësishmen në Amerikë në 129 vjet”.

Ata do të vazhdojnë të shtojnë më shumë vende në Marrëveshjet e Abrahamit, tha ai, për normalizimin e marrëdhënieve me Izraelin në rajon.

Ai më parë falënderoi Bahreinin dhe Emiratet e Bashkuara Arabe për nënshkrimin e marrëveshjes.

Fraksion.com