Berisha: Nuk ka fitore nga PS. Zgjedhjet janë grabitur!
Kreu i Partisë Demokratike, Sali Berisha, ka vijuar me akuzat ndaj Partisë Socialiste dhe kryeministrit Edi Rama, duke e cilësuar rezultatin e zgjedhjeve të 11 majit si një “grabitje” dhe jo si një fitore.
Në një deklaratë publike, Berisha theksoi se nuk ka shqiptar që nuk pa me sytë e tij “shpërdorimin e pushtetit dhe blerjen masive të votave” nga mazhoranca.
Ai ironizoi deklaratat e atyre që e quajnë rezultatin një fitore për Edi Ramën, duke thënë se po përdorin “fjalorin e vet”.
“Cili është ai që nuk pa shpërndarjen e 100 eurove për çdo pensionist, kur ata përbëjnë 48% të elektoratit? Kush nuk pa faljen e gjobave dy ditë para zgjedhjeve? Kush nuk pa mbjelljen e kanabisit?” shtoi Berisha, duke nënvizuar se këto janë prova të qarta të manipulimit të vullnetit të votuesve
Fraksion.com
