Integrimi në BE, Rama: Sot u mor vendimi për të hapur grup-kapitullin tjetër, në total kemi hapur 24 kapituj

Kryeministri Edi Rama bëri me dije se sot është marrë vendimi për të hapur grup-kapitullin tjetër të negociatave me Bashkimin Europian.

Lajmin Rama e dha gjatë një interviste televizive, ndërsa theksoi se janë edhe 11 kapituj për t’u hapur dhe shprehu besimin se ato do të hapen brenda këtij viti.

“Para se të hynim në takimin e Fierit e mora vesh se është marrë vendimi sot, për të hapur grup-kapitullin tjetër, janë 8 kapituj të tjerë që bëjnë që ne praktikisht kemi hapur 24 kapituj, në një kohë rekord dhe mbeten edhe 11 kapituj të tjerë për t’u hapur, që unë kam shumë besim se do të hapen brenda viti të gjithë”, tha Rama.

Fraksion.com