Konklava për zgjedhjen e Papës së ri do të fillojë më 7 maj

Vdekja e Papa Françeskut ka vënë në lëvizje një ritual shekullor për të zgjedhur një papë të ri. Kardinalët do të takohen në një konklavë sekrete për të zgjedhur udhëheqësin e ri global të Kishës duke filluar nga 7 maji, tha Vatikani të hënën. Kardinalët janë mbledhur në Qytetin e Vatikanit që kur Papa vdiq më 21 prill, por pak të dhëna kanë dalë se kë mund të zgjedhin.

Data e 7 majit u vendos gjatë një takimi me dyer të mbyllura të kardinalëve në Vatikan, i pari që nga funerali i Papa Françeskut të shtunën, tha një burim nga Selia e Shenjtë për Reuters.

Dhjetëra “Princa të Kishës” nga e gjithë bota janë mbledhur në Vatikan që kur Papa 88-vjeçar argjentinas vdiq më 21 prill.

Por deri më tani ka pak të dhëna se kë mund të zgjedhin më pas.
“Unë besoj se nëse Françesku ka qenë papa i surprizave, edhe kjo konklavë do të jetë e tillë, pasi nuk është aspak e parashikueshme”, tha kardinali spanjoll Jose Cobo në një intervistë të botuar të dielën.

Në konklavat e mëparshme, “mund të shihni se ku mund të shkojnë gjërat”, i tha ai gazetës El Pais, ndërsa këtë herë shumë kardinalë vijnë nga përtej Evropës dhe as nuk janë takuar me njëri-tjetrin më parë.

Fraksion.com