Vodhi 11 mijë euro në të njëjtin dyqan për 4 muaj rresht, kapet 40-vjeçari

Finalizohet operacioni policor i koduar “Logo”, ku është kapur një 40-vjeçar, i cili dyshohet se ka vjedhur sende me vlerë mbi 11 mijë euro gjatë 4 muajve të fundit. Shtetasi E.(D.) D., banues në Tiranë, u arrestua pasi ka vjedhur 7 palë syze nga i njëjti dyqan, duke shkaktuar një dëm total prej 11,200 euro.

Policia e Tiranës, pas hetimeve intensive, ka bërë të mundur kapjen e autorit, i cili është një emër i njohur për autoritetet, pasi ka qenë i dënuar më parë për vjedhje të ngjashme. Hetimet për këtë çështje janë në vazhdim, ndërsa policia po punon për zbardhjen e mundshme të vjedhjeve të tjera që mund të ketë kryer ky person. Materialet procedurale janë dërguar në Prokurori për veprime të mëtejshme.

Në kuadër të operacionit “Logo” u ndalua shtetasi Elson(Durim) Doku”.

Njoftimi i policisë:

Tiranë/Finalizohet operacioni policor i koduar “Logo”.

Gjatë 4 muajve, vodhi në të njëjtin dyqan, aksesorë me vlerë rreth 11 200 euro, kapet 40-vjeçari, i dënuar më parë, për të njëjtin krim.

Në vijim të punës hetimore intensive që po kryhet nga strukturat e Policisë së Tiranës, për zbardhjen e vjedhjeve dhe për nxjerrjen përpara përgjegjësisë penale të autorëve të tyre, Komisariati i Policisë Nr. 1 finalizoi operacionin “Logo”.

Gjatë operacionit, u identifikua, u kap dhe u vu në pranga shtetasi E.(D.) D., 40 vjeç, banues në Tiranë.

Ai dyshohet se gjatë 4 muajve të fundit, ka vjedhur në të njëjtin dyqan, 7 palë syze me vlerë rreth 11 200 euro.

Vijojnë hetimet për të zbardhur vjedhje të tjera që mund të ketë kryer 40-vjeçari.

Materialet procedurale iu referuan Prokurorisë, për veprime të mëtejshme.