“Të rinjtë duhet të kujdesen për sigurinë”, Zëvendës Sekretarja e Përgjithshme e NATO-s u drejtohet udhëheqësve të rinj në Samitin e të Rinjve të NATO-s

Të premten (25 Prill 2025) Zëvendës Sekretarja e Përgjithshme e NATO-s, Radmila Shekerinska, mirëpriti të rinjtë nga e gjithë Aleanca në Samitin e të Rinjve të NATO-s në Budva, Mali i Zi. I organizuar në bashkëpunim me Këshillin Atlantik të Malit të Zi, Samiti i pestë i të Rinjve mblodhi qindra të rinj për diskutime me Zëvendës Sekretaren e Përgjithshme dhe udhëheqës të tjerë të NATO-s mbi çështje kritike të sigurisë.

Znj. Shekerinska theksoi prioritetet në prag të Samitit të NATO-s në Hagë, duke përfshirë rritjen e shpenzimeve të mbrojtjes. Ajo nënvizoi se, “Ne kemi parë një numër aleatësh që jo vetëm që arritën 2%, që ishte premtimi që NATO bëri më shumë se 10 vjet më parë, por në të vërtetë shkuan shumë më tej.” Znj. Shekerinska theksoi gjithashtu se të rinjtë duhet të kujdesen për sigurinë. Ajo i inkurajoi të rinjtë të përfshihen dhe i këshilloi brezat e ardhshëm të jenë të guximshëm, të vendosur dhe të qëndrueshëm.

ZëvendësSekretarja e Përgjithshme mori pjesë në një bisedë të titulluar “Përcaktimi i Skenës”, të moderuar nga Selin Yimaz, Presidente e Shoqatës Ndërkombëtare të Traktatit të Atlantikut për të Rinj (YATA). Gjatë udhëtimit të saj në Mal të Zi, ajo u takua me Presidentin e Malit të Zi, z. Jakov Milatović, vizitoi Qendrën e Kapaciteteve Kibernetike të Ballkanit Perëndimor dhe Qendrën Qeveritare të Operacioneve të Sigurisë Kibernetike.

Fraksion.com