Zelensky do të marrë pjesë në funeralin e Papës
Presidenti ukrainas Volodymyr Zelensky do të marrë pjesë në funeralin e Papa Françeskut, thotë AFP, duke cituar një burim nga presidenca.
Burimi thuhet se i tha agjencisë se zyra e Zelensky-t po “përgatit vizitën e presidentit në Romë për t’i dhënë lamtumirën Papës”.
Funerali do të zhvillohet më 26 prill në orën 10:00 me kohën lokale (09:00 BST).
Kujtojmë se edhe para se Vatikani të njoftonte se funerali i Papa Françeskut do të zhvillohet të shtunën, një numër udhëheqësish botërorë konfirmuan pjesëmarrjen e tyre.
Brenda pak orësh nga vdekja e Françeskut, Presidenti argjentinas Javier Milei tha se do të merrte pjesë në shërbim.
Presidenti i SHBA-së Donald Trump thotë se do të udhëtojë për në Qytetin e Vatikanit së bashku me Zonjën e Parë Melania Trump.
Presidenti francez Emmanuel Macron ka konfirmuar gjithashtu se do të jetë atje.
Dhjetëra udhëheqës botërorë dhe figura fetare ka të ngjarë të marrin pjesë në funeral, së bashku me qindra besimtarë.
Fraksion.com
