“Shitësit e qilimave thonë bëjmë një rrugë më pak, lekët ua japim pensionistëve”, Rama: Dardha e ka bishtin mbrapa, mbetemi me gishta në gojë
Kryeministri Edi Rama zhvilloi sot një takim elektoral me banorët e Cërrikut, ku u ndal te retorika e partive të reja që janë futur në garën zgjedhore.
Në fjalën e tij, Rama përdori një gjuhë të drejtpërdrejtë, duke i quajtur këta aktorë të rinj politikë “shitës qilimash”.
Sipas tij, këto premtime janë tërheqëse vetëm në pamje të parë, por në realitet kanë pasoja të rënda ekonomike për të ardhmen.
Kreu i qeverisë theksoi rëndësinë e investimeve strategjike, duke argumentuar se ato janë çelësi për rritje të qëndrueshme ekonomike dhe mirëqenie afatgjatë.
“Një mbjellje më pak dhe ha e pi si mbret, por kjo dardhë ka nga mbrapa një bisht shumë të madh sepse investimet që bëjmë na sjellin më shumë ekonomi. Nëse ne i hamë të gjitha dhe nuk mendojmë për nesër e pasnesër, mbetemi të gjithë me gishta në gojë”, u shpreh Rama.
Fraksion.com
