SHBA miraton shitjen e raketave Stinger me vlerë 825 milionë dollarë në Marok

Shtetet e Bashkuara njoftuan të martën miratimin e një shitjeje prej 825 milionë dollarësh të deri në 600 raketa anti-ajrore Stinger dhe pajisje të ngjashme në Marok.

“Shitja e propozuar do të përmirësojë aftësinë e Marokut për të përballuar kërcënimet aktuale dhe të ardhshme. Maroku synon të përdorë këto artikuj dhe shërbime të mbrojtjes për të modernizuar forcat e tij të armatosura dhe për të zgjeruar opsionet ekzistuese të mbrojtjes ajrore me rreze të shkurtër të ushtrisë,” tha në një deklaratë Agjencia e Bashkëpunimit për Sigurinë e Mbrojtjes së SHBA (DSCA).

“Kjo do të kontribuojë në qëllimet e Ushtrisë Marokene për përditësimin e aftësive dhe rritjen e mëtejshme të ndërveprimit me SHBA-në dhe aleatët e tjerë”, thuhet në deklaratë.

Departamenti i Shtetit miratoi shitjen e mundshme dhe DSCA dha të martën njoftimin e kërkuar për Kongresin e SHBA, i cili ende duhet të nënshkruajë transaksionin.

Fraksion.com