Kina “nuk do t’i përgjigjet” tarifave shtesë të SHBA

Kina tha të premten se do të rrisë tarifat për mallrat amerikane në 125%, duke thelluar më tej një luftë tregtare midis dy ekonomive më të mëdha në botë. Më herët presidenti Xi Jinping tha se Kina dhe Bashkimi Evropian duhet të “rezistojnë së bashku ndaj ngacmimit të njëanshëm”, pas një takimi me kryeministrin spanjoll Pedro Sanchez në Pekin.

Pekini po i përgjigjet vendimit të SHBA për të rritur taksat, megjithëse Kina tha se nuk është e gatshme të shkojë më lart.
Kina do të rrisë tarifat për të gjitha mallrat amerikane në 125% me efekt nga 12 prilli, nga 84%.

Tarifa e re tani përputhet me të ashtuquajturën taksë ‘reciproke’ të vendosur nga SHBA për importet kineze, megjithëse Pekini tha se nuk do të rritet më.

Nëse numërojmë tarifat që SHBA vendosi më parë ndaj Kinës, norma aktuale për mallrat e importuara është 145%.

“Edhe nëse SHBA-ja vazhdon të vendosë tarifa më të larta, kjo nuk do të ketë më kuptim ekonomik dhe do të bëhet shaka në historinë e ekonomisë botërore”, thuhet në një deklaratë të Ministrisë së Financave.

“Në nivelin aktual të tarifave, nuk ka asnjë pranim tregu për mallrat amerikane të eksportuara në Kinë. Nëse SHBA vazhdon të luajë lojën e numrave tariforë, Kina do ta injorojë atë. Megjithatë, nëse SHBA këmbëngul të vazhdojë të cenojë në mënyrë thelbësore interesat e Kinës, Kina do të kundërsulmojë me vendosmëri dhe do të luftojë deri në fund”, vazhdoi ai.

Fraksion.com