“Ne vidhemi përditë”, Berisha: Rinia ikën përditë nga mjerimi, programi i PD më realisti dhe më i miri

Kreu i Partisë Demokratike, Sali Berisha, gjatë një vizite në Malësinë e Madhe, theksoi se rinia po largohet çdo ditë për shkak të mjerimit ekonomik.

Ai vlerësoi programin e PD si më të mirin dhe më realistin, duke e cilësuar si një mundësi për përmirësimin e kushteve të jetesës.

Berisha akuzoi qeverinë aktuale për korrupsion dhe tha se në Malësinë e Madhe largimi i të rinjve është pasojë e varfërisë. Po ashtu, ai kujtoi se gjatë periudhës kur PD ishte në pushtet, Mali i Zi kishte rroga dhe pensione më të ulëta se Shqipëria, ndërsa tani janë më të larta, falë një administrate në vendin fqinj më të pakorruptuar.

Kreu i PD Sali Berisha në Malësinë e Madhe: Malësia e Madhe njihet për bujarinë tepër të madhe. Programi i PD më i miri dhe më realisti. Ne i konsiderojmë hyjnore vlerat e familjes. Largimi nga Malësia e Madhe ka ardhur për shkak të varfërisë. Ne vidhemi përditë. Mali i Zi kur PD ishte në pushtet kishte rroga dhe pensione më të ulëta se Shqipëria, ndërsa sot i ka më të larta. Kjo, sepse nuk vidhet si në vendin tonë. Çmimet do jenë më të lira dhe ilaçet do i kemi njësoj si Italia.

Fraksion.com