Berisha: Rruga Vau i Dejës-Koman, e shkatërruar! Kur u ngrit shqetësimi në parlament, Lubi Balluku tha se investon veç në zona turistike. Injorancë e madhe
Kreu i Partisë Demokratike, Sali Berisha, gjatë një takimi elektoral në Vuan të Dejës, ku prezantoi kandidatët për deputetë, foli për rrugën Vau i Dejës-Koman, duke theksuar se ajo ka mbetur pa investime për 12 vite. Ai e përmendi se kur ky shqetësim ishte ngritur në Kuvend, ministrja e Infrastrukturës dhe Energjisë, Belinda Balluku, kishte thënë se “ne investojmë në zona turistike”.
Berisha e komentoi këtë përgjigje si një shprehje të injorancës, duke u shprehur: “Nuk mund të ketë më injorancë të madhe sesa të thuash se nuk investon në një zonë turistike si liqeni i Komanit, lumi i Shalës, Alpet. Duhet të jesh i huaj për të folur në këtë mënyrë.”
Do t’u rrëfej një ndodhi. Gjatë 12 viteve rruga Vau i Dejës Koman mbeti siç ishte duke u shkatërruar çdo ditë e më shumë.
Një ditë në parlament deputetët e Shkodrës ia ngrenë Ramës shqetësimin për rindërtimin e rrugës. Aty në përgjigje, ajo që unë e quaj “Lubi Balluku”, se nuk ka njeri më të papërmbajtur në plaçkitje, del edhe thotë ‘ne investojmë në zona turistike’. Nuk kishte injorancë më të madhe të heqësh nga zona turistike liqenin e Komanit, Lumin e Shalës, Alpet. Duhet të jesh alien të flasësh në këtë mënyrë. Por kjo ishte gjuha që u përdor në parlamentin shqiptar.
Fraksion.com
