Xhafaj: Dokument analitik prej 700 faqesh dhe 15 kapituj për mirëqeverisjen, i pari i këtij lloji, hartuar nga ekspertiza shqiptare

Kryetari i Komisionit të Posaçëm Parlamentar për Mirëqeverisjen, Antikorrupsionin dhe Sundimin e Ligjit, Fatmir Xhafaj tha sot gjatë takimit të dytë të nivelit të lartë “Shqipëria 2030 në BE-Rruga e Reformave”, ku i pranishëm ishte edhe Kryeministri Edi Rama se ky takim i dytë i nivelit të lartë organizuar nga Kuvendi i Shqipërisë synon të adresojë zhvillimet në stacionin e ri ku ka mbërritur procesi për thellimin e reformave për mirëqeverisjen, antikorrupsionin dhe sundimin e ligjit.

“Në takimin e mëparshëm në 11 dhjetor 2024 ne përmbyllëm fazën e parë të këtij procesi dhe prezantuam dokumentin analitik, ndërsa sot përmbyllim fazën e dytë duke prezantuar draftplanin kombëtar të veprimit të hartuar nga grupi i ekspertëve të nivelit të lartë vendas dhe ndërkombëtarë dhe sekretariatit teknik pranë tij.

Dokumenti analitik prej 700 faqesh dhe 18 kapitujsh është dokumenti i parë i këtij lloji i hartuar nga ekspertiza shqiptare që ka synuar ta analizojë situatën aktuale lidhur me tre shtylla: mirëqeverisjen, antikorrurpsionin dhe sundimin e ligjit”, tha Xhafaj.

Fraksion.com