Serbia provokon! Hiqet flamuri kosovar gjatë kongresit të UEFA-s në Beograd, tifozët e djegin në rrugë, reagon FFK

Ky institucion nëpërmjet një komunikate, ku ka kërkuar edhe falje gjithë serbëve.

Pas kësaj reagoi federata e Kosovës, që këmbëngul se janë përfaqësuar në kongres me simbolet dhe flamurin e shtetit.

“E kuptojmë se prania e delegacionit të Kosovës në kryeqytetin serb, si dhe fakti që flamuri i shtetit tonë valëviti përkrah atyre të shteteve të tjera, vazhdon të jetë i papranueshëm për politikën dhe një pjesë të opinionit në Serbi. Megjithatë, shteti i Kosovës është një realitet i pakthyeshëm dhe sa më shpejt që ta pranojnë këtë, aq më shpejt do të kontribuojnë në normalizimin e marrëdhënieve sportive dhe shtetërore”, shkruan FFK-ja të enjten.

Ky incident ka ndodhur në një kohë që Shqipëria dhe Serbia kanë vendosur që të organizojnë së bashku europianin e vitit 2027 për moshat U-21.

Deri tani nuk ka pasur asnjë reagim as nga UEFA, ndërsa në një video të postuar në rrjetet sociale dhe të transmetuar nga “Kurir”, shihen disa huliganë serbë të cilët djegin flamurin e Republikës së Kosovës të mërkurën pas mesnate.

Veprimet e tyre janë përshkruar si hakmarrje ndaj kryetarit të Federatës së Futbollit të Kosovës, Agim Ademi, i cili pozoi pranë flamurit të Kosovës në Kongresin e UEFA-s që po mbahet në Beograd.

Fraksion.com