“Kam vendosur të flas hapur”, Silva Turdiu tregon se kë mbështet në zgjedhjet e 11 majit
Pas një periudhe të gjatë mungese, ish-volejbollistja e njohur Silva Turdiu ka reaguar për zgjedhjet parlamentare të 11 majit. Silva me një postim në rrjetet sociale, ka shprehur hapur mbështetjen për kushërirën e saj Jorida Tabaku.
“Prej shumë vitesh kam zgjedhur të mos jem aktive publikisht në mediat shqiptare, edhe pse lidhja ime emocionale me Shqipërinë ka mbetur e pandryshuar. Ketë herë, megjithatë, kam vendosur të flas hapur dhe t’i jap mbështetjen time publike Jorida Tabakut.
Nuk e bëj këtë vetëm sepse Jorida është pjesë e familjes sonë të madhe, por mbi të gjitha sepse kam ndjekur nga afër punën, guximin dhe qëndrimet e saj. Për vite me radhë, kam parë tek ajo një politikane qe nuk dorëzohet përballe padrejtësive, nuk i trembet sfidave, që flet me integritet dhe duke vendosur gjithmonë interesin e qytetarëve mbi gjithçka tjetër.
Në jetën time, kam përjetuar personalisht çfarë do të thotë të përballesh me padrejtësi, shtypje dhe mungese te lirisë. Pikërisht sepse e di çfarë vlere ka guximi për te ndryshuar gjërat, sot jam këtu për te thëne se Jorida është një shembull i politikanit qe Shqipëria meriton-dikush që rrezaton shpresë, fisnikëri dhe qytetari.
Prej një kohe te gjate tashme, jam pjese e diasporës, dhe kam parë
§fare do te thotë demokracia e vërtete, dhe sa e rëndësishme është pjesëmarrja aktive, kështu qe këtë vit kam zgjedhur të mbështes Jorida Tabakun nga lista e hapur të Partisë Demokratike.
Për një Shqipëri te fisme, te drejte dhe madhështore.”- ka shkruar Silva Turdiu.
Postimi i Silva Turdiut
Disa ditë më parë, në një intervistë për Roland Qafokun në emisionin Dekalog në Dritare TV, deputetja e Partisë Demokratike, Jorida Tabaku, ka zbuluar lidhjen familjare të panjohur më parë me volejbollisten Silva Turdiu.
Sakaq Jorida Tabaku e ka falënderuar publikisht kushërirën e saj për mbështetjen.
“Faleminderit Silva Turdiu!”- shkruan deputetja teksa ka rishpërndarë postimin e Silvës./ E.P-dritare.net
Fraksion.com
