AktualitetRajoniTë fundit

“Tensione të reja në rajon?”, Serbia dhe Hungaria bashkëpunojnë më ngushtë ushtarakisht

Serbia dhe Hungaria si vend i NATO-s duan të bashkëpunojnë më ngushtë ushtarakisht. Qeveritë e të dy vendeve kanë marrëdhënie të mira me Rusinë. A do të ketë një pakt ushtarak?

Sipas tij ne po shkojmë drejt një aleance ushtarake ose një unioni ushtarak, tha Vuçiq, sipas të dhënave të portalit serb të afërt me qeverinë “Politika.rs”. Hungaria është vendi i rajonit me të cilin Serbia bashkëpunon më intensivisht në fushën ushtarake shtoi presidenti serb. Për Hungarinë Serbia është partneri më i rëndësishëm bilateral ushtarak, që nuk është as anëtar në NATO dhe as në BE, tha ministri hungarez i Mbrojtjes Kristof Szalay-Bobrovniczky.

Shumë më tepër stërvitje të përbashkëta

Edhe mbi bazën e marrëveshjes së vitit 2023 të dy vendet deri më sot kanë kryer 48 aktivitete të përbashkëta. Sivjet numri i tyre do të arrijë në 79, thuhet në marrëveshje, Si shembull ministri hungarez përmendi kualifikimin e marinës, stërvitjen luftarake shumëkombëshe në kohë paqeje për rezervistët vullnetarë dhe kualifikimin për qitjen me armë. Gjithashtu jnë parashikuar programe të përbashkëta për sigurimin e armatimeve, mësohet më tej. Në media njoftohej më parë, se Hungaria do të shesë në Serbi mallra ushtarake nga arsenali i vet i vjetëruar.

Tensione të reja në rajon

Vëzhguesit në rajon e shohin me shqetësim bashkëpunimin mes Serbisë dhe Hungarisë. Vuçiq dhe kryeministri i Hungarisë Orban ruajnë marrëdhënie të mira me Rusinë. Kritikët i akuzojnë të dy për stilin autoritar në qeverisje. Para pak kohësh dy vendet e NATO-s, Kroacia dhe Shqipëria nënshkruan një marrëveshje bashkëpunimi ushtarak me Kosovën. Beogradi i akuzoi këto dy vende, se me këtë marrëveshje po rrezikojnë stabilitetin rajonal. Tensionet mes Kosovës dhe Serbisë ende vazhdojnë, sepse Beogradi nuk do ta njohë pavarësinë e Kosovës. Por edhe ndërmjet Serbisë dhe Kroacisë anëtare e BE-së ka herë pas here tensione./dw

 

Fraksoion.com