AktualitetPolitikëTë fundit

“Shkodranët do e mësojnë shumë shpejt çfarë përfaqëson Beci i Dobraçit”, Berisha: Spahia shkoi në SPAK se ka zbatuar ligjin!

Duke folur nga Shkodra, ku mori pjesë në përkujtimin e 2 prillit, Berisha u shpreh se një dosje ekziston për kryebashkiakun socialist, Benet Beci.

Kreu i Partisë Demokratike, Sali Berisha, gjatë vizitës në Shkodër, komentoi paraqitjen e ish-kryebashkiakut demokrat Bardh Spahia në SPAK dhe akuzoi kryebashkiakun aktual socialist, Benet Beci.

“Zoti Spahia na nderon. Ai ka zbatuar ligjin dhe ka mbrojtur kodin e një zyrtari që nuk pranon delinkuentë në administratë. Ky proces na bën nder të gjithëve,” deklaroi Berisha.

Berisha përsëriti se PD është kundër “politikës së pengjeve” dhe premtoi zbardhjen e fakteve për qeverisjen në Shkodër.

 

“Zoti Bardh Spahia na nderon. Zoti Spahia na nderon. Shumë shpejt shkodranët do marrin vesh kush është ai që i qeveris aty, çfarë përfaqëson kryebashkiaku i Dobraçit. Do e mësojnë shumë shpejt, ju jap fjalën që do e mësojnë çfarë përfaqëson Beci i Dobraçit. Bardh Spahia shkon në SPAK se ka zbatuar ligjin dhe ka mbrojtur kodin e një zyrtari që nuk pranon delinkuentë në administratë. Ai proces na bën nder të gjithëve ne. Ka një dosje tmerrësisht të rëndë për Benet Becin me të cilën e mban peng Edi Rama, por ne jemi kundër politikës së pengjeve”, tha Berisha.
Fraksion.com