“Këto 39 ditë t’i kthejmë në betejë”, Berisha akuzon Ramën: U tmerrua nga të rinjtë dhe mbylli TikTok-un.

2 Prill, 2025 admin

Kryetari i PD, Sali Berisha shprehet se kryeministri Edi Rama urdhëroi mbylljen e TikTok-ut në Shqipëri për të zbehur fushatën kundër tij nga ana e të rinjve në këtë rrjet social.

Gjatë prezantimit të programit për Rininë te amfiteatri i Akademisë së Arteve, Berisha tha se të rinjtë e shndërruan kreun e qeverisë në një meme që ecën.

Ai kërkoi që 39 ditët në vijim të rinjtë dhe mbështetësit e PD duhet t’i shndërrojnë ato në betejë.

Sali Berisha:

Në këtë kontekst, nuk ka ëndërr të madhe që mund të realizohet pa vendime. Janë këto vendime që realizuan ëndrrën e Shqipërisë në NATO, janë këto vendime që realizuan ëndrrën e Shqipërisë pluraliste. Janë këto vendime, të cilat, në disa mënyra patën një ndikim të pzevëndësueshëm në lirinë kombëtare, në faktin që sot shqiptarët jetojnë të lirë në Shqipëri dhe në Kosovë.

Në këtë kontekst, 39 ditë na ndajnë. Të gjithë ju, jeni para një vendimi epik do të thosha, para një vendimi në të cilin ju përmbushni pa mëdyshje misionin më të madh të jetës suaj, përcillni në kalendat e historisë një diktaturë të dytë. Tashmë, jo të bzuar në idelogjinë marksiste-leniniste, por të bazuar në drogën, krimin dhe varfërimin e shqiptarëve.

Çdo i ri dhe e re, këto 39 ditë, t’i shtrojnë në ditët e betejës më të madhe për ëndrrën e tij dhe të saj, sepse përballë jush qendron një shpresëvrasës, një arrogant. Qendron, po e quaj tani, një meme e gjallë, meqënëse e tmerruat ju dhe e mbylli Tik Tokun, le ta quajmë së bashku një meme e gjallë, që quhet Edi Rama, meme që ecën.

Fraksion.com

You May Also Like