Berisha me kandidatët e rinj në Tiranë: Ekip me njerëz të shquar dhe të suksesit

Kryetari i Partisë Demokratike, Sali Berisha prezantoi sot programin e PD për Rininë. Gjatë fjalës së tij kreu i PD, theksoi se 11 Maji shumë i rëndësishëm, pasi përmes vendimeve tona mund të transformojmë Shqipërinë.

Teksa bëri një prezantim të kandidatëve të rinj, Berisha tha dr “kurrë ky kryeqytet nuk ka patur, kurrë zgjedhjet parlamentare të përgjithshme në Shqipëri nuk kanë patur një ekip me personalitete të reja, të spikatura. Njerëz të shquar, të suksesit. Por atdhetarë të flaktë, patriotë të vërtetë, që kanë vendosur t’i përkthejnë të gjitha energjitë e tyre një misioni të madh, një misioni shpëtimtar për Shqipërinë”.

Berisha tha se 39 ditë na ndajnë nga zgjedhjet.

“Të gjithë ju, jeni para një vendimi epik do të thosha, para një vendimi në të cilin ju përmbushni pa mëdyshje misionin më të madh të jetës suaj, përcillni në kalendat e historisë një diktaturë të dytë. Tashmë, jo të bazuar në ideologjinë marksiste-leniniste, por të bazuar në drogën, krimin dhe varfërimin e shqiptarëve”, tha më tej Berisha.

Fraksion.com