“Bonuse për familjet me fëmijë”, Berisha: 70 euro fëmija i parë, 60 euro i dyti, fëmija i tretë do rritet nga shteti
Kreu i PD, Sali Berisha ka përmendur një nga pikat e programit qeverisës pas 11 majit, që opozita ka menduar të vërë në zbatim për shtimin e popullsisë.
Berisha tha se për familjet me fëmijë qeveria e re pas 11 majit do të akordojë bonuse, ku për fëmijë e parë do të jetë 70 euro, për fëmijën e dytë 60 euro, ndërsa fëmija i tretë do rritet tërësisht nga shteti, nga lindja gjer në moshën 23 vjeçare.
“Politikë jetike për ne, për të mbijetuar si komb”, u shpreh Berisha.
Më tej ai deklaroi se nuk do të ketë rrogë nën 500 euro.
“Asnjë shqiptar nuk do mund të marrë nën 500 euro. Unë e di, se për sipërmarrësin, kjo është barrë. Por, garantoj çdo sipërmarrës se kjo barrë do t’i kompensohet atij me ulje taksash dhe me çdo mjet tjetër, në mënyrë që ai të mos pësojë asnjë ulje nga rritja e rrogës minimale nën 500 euro”, tha Berisha.
Fraksion.com