Marshim pro imigracionit në Dallas, mbledh opozitarët kundër Trump

Qindra njerëz janë mbledhur para katedrales të Dallasit të dielën pasdite në  një marsh pro-emigracionit që organizatorët shpresojnë se do të jetë një nga aktet më të mëdha të mospajtimit publik kundër administratës së Presidentit Donald Trump gjatë mandatit të tij të dytë.

Marshimi, i organizuar nga Lidhja e Qytetarëve të Bashkuar të Amerikës Latine pritet të shtrihet në një rrugë më shumë se milje të gjatë përmes qendrës së Dallasit dhe deri   përpara Bashkisë së Dallasit.

Marshuesit u inkurajuan të mbanin flamuj amerikanë dhe  të bardhë për të simbolizuar paqen dhe unitetin.

Përpara marshimit, deputeti demokrat Al Green u bashkua me disa protestues duke kënduar këngë popullore në gjuhën spanjolle. Green është bërë një “lodestar” i opozitës progresive ndaj politikave të Trump që kur ai ndërpreu fjalimin e përbashkët të presidentit në Kongres dhe u hoq nga dhomat e Kongresit të SHBA në fillim të këtij muaji.

Organizatorët shpresojnë që më shumë se 10,000 protestues t’i bashkohen marshimit, por pranuan se përpjekjet e vazhdueshme të Trump për të shuar mospajtimin mund të pengojnë shumë njerëz – veçanërisht ata që janë ende në procesin e marrjes së shtetësisë – që të dëshirojnë t’i bashkohen një proteste publike.

Fraksion.com