Sot ceremonia e kurorëzimit të Kryepeshkopit të ri të Kishës Ortodokse Autoqefale të Shqipërisë!

Ceremonia zyrtare e fronëzimit të Kryepeshkopit të ri të Tiranës, Durrësit dhe Gjithë Shqipërisë, Joani, do të zhvillohet sot, në Katedralen e Ngjalljes së Krishtit në Tiranë.

Kisha Ortodokse Autoqefale e Shqipërisë fton të gjithë besimtarët të marrin pjesë sot, më 29 mars 2025, ora 11:00 në Ceremoninë e Fronëzimit të Kryepiskopit të Tiranës, Durrësit dhe Gjithë Shqipërisë, Joanit.

Ndërsa të dielën, më 30 mars 2025 mbahet Liturgjia e parë të Kryepiskopit Joan, me pjesëmarrjen e Sinodit të Shenjtë dhe shumë delegacioneve nga Kishat e tjera Ortodokse.

Shërbesat do të zhvillohen në Katedralen “Ngjallja e Krishtit”, Tiranë.

Qindra besimtarë pritet të vijnë në kishën qendrore paradite, për të ndjekur nga afër të parën ceremoni të uljes së një kryepeshkopi shqiptar në fronin më të lartë të kishës ortodokse shqiptare.

Në ceremoni do të marrin pjesë të përfaqësues të shtetit shqiptar dhe atij grek, si dhe të ftuar nga 13 Kishat Ortodokse të botës.

Joan Pelushi u zgjodh Kryepeshkop i Kishës Ortodokse Shqiptare pas vdekjes së Kryepeshkopit Anastas.

Fraksion.com