“Në fund të 2026, prokurimet publike me AI”, Rama: Edhe e-Albania do kalojë në tjetër nivel, asistenti virtual do ju ndihmojë për gjithçka
“Jemi duke folur me Microsoftin për prokurimet publike pa pjesëmarrjen e njeriut që bën procesin e prokurimit publik deri në nxjerrjen e rezultatit pa pjesëmarrjen e njeriut pastaj komisioni përkatës certifikon rezultatin.
Është një projekt shumë ambicioz, të gjithë kanë marrë pjesë të caktuara, ne po përpiqemi të bëjmë një model që e bën të gjithën, urojmë ta kemi gati deri në fund të 2026. Ndërkohë që brenda pak kohe e-Albania do kalojë në një tjetër nivel, ajo që del aty dhe flet do bëjë gjithë shërbimin.
Kjo gjë do realizohet me kërkesë, do i thuhet dua këtë letër quhem filani dhe gjithë punën do ta bëjë asistenti virtual. Ne po krijojmë një potencial të madh këtu brenda që mund të na japin një dorë në zhvillimin e mëtejshëm të procesve të qeverisjes duke përdorur bazën tonë të të dhënave”-u shpreh Rama.
Fraksion.com
