“Një ore e gjysmë në SPAK, akuzë e re për Veliajn?”, gazetarja: Bëhet fjalë për futjen e sendeve të ndaluara në qeli
Prej një ore e gjysmë kryebashkiaku i Tiranës Erion Veliaj ka qenë në SPAK ku është marrë në pyetje nga prokurorët e posaçëm në lidhje me hetimet ndaj tij.
Burime për gazetaren Klodiana Lala, bëjnë me dije se Veliajt i janë komunikuar dyshime për një akuzë të re, që lidhet me futjen e sendeve të ndaluara në qelitë e paraburgimit, vepër që lidhet me nenin 324 A/1 për futjen e sendeve të ndaluara në qelitë e paraburgimit.
Kjo është hera e parë që kryebashkiaku i Tiranës merret në pyetje pas caktimit të masës së sigurisë arrest me burg nga gjykata dhe transferimit të tij në paraburgimin e Durrësit.
Kujtojmë se Veliaj akuzohet për veprat penale të “korrupsionit pasiv të funksionarëve të lartë shtetërorë ose të zgjedhurve vendorë”, në 9 raste si dhe “pastrimit të produkteve të veprës penale ose veprimtarisë kriminale”.
Fraksion.com
