Zelensky akuzon Rusinë për sulmin ndaj infrastrukturës energjetike të Ukrainës

Presidenti ukrainas Volodymyr Zelensky ka akuzuar Vladimir Putinin për thyerjen e një premtimi të dhënë gjatë bisedimeve me presidentin amerikan Trump për të ndalur sulmet ndaj infrastrukturës energjetike të Ukrainës.

“Pas bisedës së Putinit me Presidentin e SHBA Donald Trump, ku Putin tha se gjoja po jepte një urdhër për ndalimin e sulmeve kundër infrastrukturës energjetike të Ukrainës, gjatë natës ishin 150 dronë, duke synuar ndër të tjera infrastrukturën energjetike.

“Ka pasur sulme kundër transportit. Dy spitale u goditën për fat të keq. Me fjalë të tjera, fjalët e Putinit janë shumë në kundërshtim me realitetin,” tha Zelensky në një konferencë shtypi në Finlandë me homologun e tij finlandez Alexander Stubb.

Zelensky u pyet në finlandë se  kush do ta përfaqësojë Ukrainën në takimin e ardhshëm të armëpushimit në Arabinë Saudite.

Ai tha se nuk është i gatshëm të diskutojë ende të gjitha detajet e kësaj, por në lidhje me një armëpushim të pjesshëm ose ndalimin e sulmeve ndaj energjisë, ai thotë se Ukraina do të përfaqësohet nga një ekip teknik që është “në detaje”.

Ai thotë se këtu do të përfshihen figura ushtarake, por edhe përfaqësues nga sektori i energjisë.

Nuk do të jetë takimi diplomatik që ekipet negociatore kanë pasur në të kaluarën, shpjegon ai, por shton se nuk e përjashton mundësinë e një gjëje të tillë në të ardhmen.

Ndërkohë, presidenti i Finlandës Alexander Stubb thotë se “gota është gjysmë plot” pas telefonatës së djeshme dhe sugjeron që SHBA të vazhdojë të punojë gjatë gjithë kohës për të arritur paqen.

Fraksion.com