Ish-udhëheqësi i Gjeorgjisë, Saakashvili do të kalojë 12.5 vjet në burg

Gjykata gjeorgjiane ka dënuar ish-presidentin Mikheil Saakashvili me katër vjet e gjysmë pas hekurave për kalim të paligjshëm të kufirit, duke e çuar dënimin total të politikanit properëndimor në 12.5 vjet.

Saakashvili, 57 vjeç, u dënua në mungesë në vitin 2018 me gjashtë vjet burg për shpërdorim detyre dhe javën e kaluar ai u dënua me nëntë vjet për shpërdorim të fondeve publike nga vendi i Kaukazit.

Të hënën, Saakashvili u dënua me “katër vjet e gjashtë muaj burg për kalimin e paligjshëm të kufirit të Gjeorgjisë” kur u kthye fshehurazi nga mërgimi në Ukrainë, tha avokati Dito Sadzaglishvili për AFP.

Parlamenti Evropian ka bërë thirrje për lirimin e menjëhershëm të Saakashvilit dhe presidenti ukrainas Volodymyr Zelensky ka kërkuar që Saakashvili, një shtetas ukrainas që nga viti 2019, të transferohet në Kiev.

Fraksion.com