Humbën në Parkun e Llogorasë, shpëtohen dy turistët francezë

Dy turistë francezë të cilët kishin humbur orientimin në Parkun Kombëtar të Llogorasë janë shpëtuar nga policia e Himarës.

Siç njofton policia “dy turistë francezë, duke eksploruar Parkun Kombëtar të Llogorasë, hasën vështirësi në terrenin e pyllëzuar dhe humbën orientimin, duke kërkuar ndihmë nga shërbimet e Policisë”.

“Menjëherë pas marrjes së njoftimit, shërbimet e Policisë Himarë, në bashkëpunim me zjarrfikësit e Bashkisë Himarë, nisën kërkimet. Pas tre orësh përpjekjesh në kushte të vështira, ata u lokalizuan dhe u transportuan pranë hotelit ku qëndronin, në gjendje të mirë shëndetësore”, njofton policia.

Policia e Shtetit njofton se mbetet e përkushtuar për sigurinë e qytetarëve dhe turistëve, duke garantuar ndërhyrje të shpejta në raste emergjente.

Fraksion.com