Shefi i NATO-s dhe Këshilli i Atlantikut të Veriut sot në KFOR

Të martën, më 11 mars 2025, Këshilli i Atlantikut të Veriut, me Sekretarin e Përgjithshëm të NATO-s, Mark Rutte, dhe Zëvendës Sekretarin e Përgjithshëm të NATO-s, znj. Radmila Shekerinska, do të vizitojnë KFOR-in, misionin e udhëhequr nga NATO në Kosovë, dhe Ekipin Këshillues dhe Ndërlidhës të NATO-s (NALT).

Së bashku me ambasadorët nga partnerët kontribuues të trupave të KFOR-it, ata do të takojnë komandantin e KFOR-it, gjeneralmajor Enrico Barduani dhe drejtorin e NALT-it, gjeneral brigade Christian Nawrat dhe do të kenë mundësinë të angazhohen me personelin e KFOR-it dhe NALT-së.

Ata gjithashtu do të kenë një shkëmbim me shefat e misionit të Bashkimit Evropian, ambasadorin Aivo Orav, dhe Misionin e BE-së për Sundimin e Ligjit në Kosovë (EULEX), Gjeneral Major Giovanni Barbano, Përfaqësuesja Speciale e Sekretarit të Përgjithshëm të OKB-së dhe Shefja e Misionit të UNMIK-ut, znj.

Sekretari i Përgjithshëm do të takohet me znj. Vjosa Osmani dhe z. Albin Kurti në Prishtinë për diskutime dypalëshe.

Fraksion.com