“Duroj lloj-lloj salamandrash e insektesh”, Rama: Programi i programeve të PS-së është integrimi në BE

Në një postim në rubrikën Sy më sy në Facebook, Kryeministri Edi Rama ka komentuar mbi sfidat dhe prioritetet që ka qeveria e tij për Shqipërinë, duke theksuar rëndësinë e integrimit të vendit në Bashkimin Evropian.

Ai shprehu durimin ndaj kritikave dhe sulmeve të ndryshme, duke krahasuar ato me “salamandra” dhe “insekte”, duke theksuar se urrejtja është një barrë e madhe për individët.

Edi Rama: Prandaj duroj lloj-lloj salamandrash e lloj-lloj insektesh, sepse unë e di si integrohet Shqipëria në BE. Urrejtja është armiku i brendshëm më i madh i njeriut. Kush urren, e ka hallin e madh shumë për veten. Programi i programeve të qeverisë sonë është integrimi në BE. Investimet nga BE janë afër 700 mln euro në total, publike, private etj. Fondet që përfituam nga BE ishin 1 miliard euro nga 2014-2020.

Ndërsa, me futjen në BE, do përfitojmë 1 miliard në vit. Nëse në bujqësi investojmë 200 mln euro fillimisht, me futjen në BE, investohen dhe 300 mln euro të tjera.