“Ukraina ka kërkuar paqe që në sekondën e parë”, Zelensky takim me princin e kurorës saudite përpara bisedimeve të paqes SHBA-Ukrainë në Jeddah

Presidenti ukrainas Volodymyr Zelensky do të takohet të hënën me princin e kurorës saudite, Mohammed bin Salman, një ditë përpara bisedimeve vendimtare midis zyrtarëve ukrainas dhe amerikanë në Jeddah për përfundimin e luftës me Rusinë.

Presidenti Volodymyr Zelensky tha të hënën përpara bisedimeve me zyrtarët amerikanë në Arabinë Saudite se Ukraina dëshiron paqen dhe Rusia është “arsyeja e vetme” që lufta është zvarritur.

“Ukraina ka kërkuar paqe që në sekondën e parë të luftës dhe ne gjithmonë kemi thënë se e vetmja arsye që lufta po vazhdon është për shkak të Rusisë”, tha Zelensky në mediat sociale.

Kujtojmë se  zyrtarët ukrainas, por jo Zelensky, do të takohen në Riad me Sekretarin Amerikan të Shtetit Marco Rubio dhe Këshilltarin e Sigurisë Kombëtare Mike Waltz, për bisedime paqeje mbi luftën Rusi-Ukrainë. Ndërsa bisedimet e ardhshme janë një përmirësim nga rezultatet e takimit katastrofik të zyrës ovale, ka ende pasiguri për rezultatin pasi Presidenti i SHBA Donald Trump ka refuzuar të rishqyrtojë pauzën e ndihmës ushtarake të SHBA për Ukrainë.

Fraksion.com