Rekursi i Salianjit! Gjykata e Lartë merr nesër vendim për ish-ligjvënësin demokrat

Gjatë ditës së nesërme, Gjykata e Lartë do të japë vendim për ish-ligjvënësin demokrat, Ervin Salianji.

Vendimi pritet që të jepet nesër në orën 10:00. Salianji ka depozituar rekurs në Gjykatën e Lartë, kundër dënimit me 1 vit burg.

Kujtojmë që më datë 15 tetor 2024, Gjykata e Lartë refuzoi një kërkesë të ish-deputetit demokrat Ervin Salianji, për pezullimin e dënimit me 1 vit burg nga Apeli.

Klodiana Lala tha për news 24:  Nesër në Gjykatën e Lartë do zhvillohet seanca për Salianjin. Ai po vuan dënimin me burg për kallëzim të rremë. Ndërsa, nesër pritet të vendoset për të në Gjykatën e Lartë.

Ervin Salianji u dënua me 1 vit burg në shkallën e parë, për çështjen e një përgjimi që pretendohej se ishte i vellait të Fatmir Xhafajt”. Ndërsa, më tej, Gjykata e Apelit më 26 shtator 2024 vendosi të lërë në fuqi vendimin për dënimin me një vit burg për të.

Fraksion.com