Kremlini mohon raportet për bisedimet SHBA-Rusi në Arabinë Saudite
Zëdhënësi i Kremlinit, Dmitry Peskov, tha sot se është “e rëndësishme të kuptohet nëse autoritetet ukrainase duan paqen apo jo”.
Duke folur në një konferencë për shtyp, ai mohon gjithashtu raportet për bisedimet SHBA-Rusi në Arabinë Saudite këtë javë.
Peskov thotë se komunikimet telefonike midis Trump dhe Putin janë “jo aq shpesh”, duke shtuar se dyshja kanë pasur vetëm një telefonatë që kur Trump mori detyrën për mandatin e tij të dytë si president i SHBA më 20 janar.
Kujtojmë se zyrtarët amerikanë dhe ukrainas do të takohen në Arabinë Saudite të martën për të diskutuar për t’i dhënë fund luftës në Ukrainë.
Një ditë para bisedimeve vendimtare me SHBA-në në Arabinë Saudite, presidenti ukrainas Volodymyr Zelensky tha sërish se dëshiron paqe.
“Ukraina është përpjekur për paqe që në sekondën e parë të luftës dhe ne gjithmonë kemi thënë se e vetmja arsye pse lufta vazhdon ende është Rusia”, thotë ai në një deklaratë në mediat sociale, të jashtme.
Presidenti Zelensky është akuzuar në shumë raste nga zyrtarët amerikanë se nuk kërkon paqe, ndërsa Donald Trump thotë se beson se Vladimir Putin dëshiron që lufta në Ukrainë të përfundojë.
Volodymyr Zelensky do të zhvillojë sot në Riad bisedime me princin e kurorës Mohammed bin Salman. Nesër, zyrtarët ukrainas, por jo Zelensky, do të takohen në Riad me Sekretarin Amerikan të Shtetit Marco Rubio dhe Këshilltarin e Sigurisë Kombëtare Mike Waltz.
Fraksion.com
