Macron sot do t’i drejtohet kombit, ndërsa Franca punon për marrëdhëniet SHBA-Ukrainë

Franca po punon për rivendosjen e një lidhjeje midis SHBA-së dhe Ukrainës për të arritur një “paqe të qëndrueshme dhe të fortë”, tha një zëdhënëse e qeverisë franceze.

Sophie Primas i tha LCI TV se Franca dhe Britania e Madhe kanë propozuar një armëpushim, duke shtuar se ai po diskutohet në “konteksin e negociatave me Shtetet e Bashkuara”.

Presidenti francez Emmanuel Macron propozoi një armëpushim të pjesshëm një-mujor midis Rusisë dhe Ukrainës “në ajër, në det dhe në infrastrukturën energjetike” gjatë një samiti të liderëve evropianë në Londër të dielën.

Por zyrtarët dhe ministrat e qeverisë së Mbretërisë së Bashkuar kanë theksuar se nuk është ende një propozim i rënë dakord, me ministrin e Forcave të Armatosura, Luke Pollard, i cili i tha programit të BBC-së Today të hënën se ka “një numër opsionesh që po diskutohen në këtë moment”.

Pak minuta më parë, Macron shkroi në X se ai planifikon t’i drejtohet kombit këtë mbrëmje në orën 20:00 (19:00 GMT).

Fraksion.com