“Ne me të vërtetë duhet t’i japim merita Trumpit”, thotë shefi i NATO-s

Sekretari i Përgjithshëm i NATO-s Mark Rutte, tha sot se ka folur dy herë me presidentin ukrainas Volodymyr Zelensky pas takimit në Shtëpinë e Bardhë.

Ai tha se “nuk është i lirë të thotë atë që u diskutua”, por ndan se ai i tha Zelenskyt “ne duhet të respektojmë” atë që Trump ka bërë për Ukrainën deri më tani.

Duke folur për BBC, ai thotë se Zelensky duhet “të gjejë një mënyrë” për të rivendosur marrëdhëniet e tij me homologun e tij amerikan Donald Trump pas përplasjes së të dyve në Shtëpinë e Bardhë.

Ai shton se gjatë administratës së parë të Trump – nga viti 2017 deri në vitin 2020 – SHBA miratoi shitjen e sistemit raketor antitank Javelin, i cili i mundësoi Ukrainës të “luftonte” kur Rusia filloi pushtimin e saj në shkallë të plotë në 2022.
“Ne me të vërtetë duhet t’i japim meritë Trump,” shton Rutte.

Fraksion.com