Macron thirrje evropianëve të refuzojnë të bëhen “vasalë të lumtur” të SHBA-së

Gjatë një vizite shtetërore dy-ditore në Portugali, presidenti francez Emmanuel Macron u bëri thirrje evropianëve të tregohen “më të bashkuar dhe më të fortë se kurrë”, raportojnë AFP dhe media lokale.

Ai paralajmëroi të enjten se kur bëhet fjalë për SHBA, “nënshtrimi nuk është përgjigja”, duke shtuar se ai “nuk është për vasalizimin e lumtur”.

Ai u bëri thirrje evropianëve që të “rizbulojnë (shijen) e rrezikut, ambicjes dhe fuqisë”, përballë paparashikueshmërisë së Donald Trump, si për çështjen e Ukrainës ashtu edhe për tarifat doganore.

Për kujtesë, Macron ishte lideri i parë evropian që takoi Trump këtë javë për të diskutuar luftën në Ukrainë.

Në takimin e së hënës, Macron foli për mënyrën sesi të dyja vendet donin paqen dhe ranë dakord se Evropa duhet të marrë më shumë përgjegjësi për sigurinë e saj.

Kryeministri i Mbretërisë së Bashkuar Keir Starmer u takua me presidentin amerikan më vonë të enjten, me diskutime që varionin nga sigurimi i paqes në Ukrainë deri te marrëveshja e Chagos të MB.

Ndërsa sot, Presidenti ukrainas Volodymyr Zelensky në Uashington.

Fraksion.com