Shtyhet seanca e parë në themel për ish-ministrin Ilir Beqaj

Seanca e parë në themel për ish-ministrin e Shëndetësisë, Ilir Beqaj, dhe të tjerët të përfshirë në dosjen e sterilizimit është shtyrë.

Kjo për shkak të një kërkese të avokatit të Beqajt, pasi ende nuk është dorëzuar vendimi për rikualifikimin e veprës penale, nga ajo e vjedhjes në “vjedhje duke shpërdoruar detyrën”.

Avokati Ermal Yzeiraj: Kërkojmë aktin e shkruar nga ana e prokurorisë për rikualifikimin e akuzës.

Ne nuk e dimë qëndrimin e Prokurorit lidhur me ndryshimin e akuzës nga shpërdorimi i detyrës në vjedhje duke shpërdoruar detyrën. Nga bashkëpunimi i thjeshtë në një formë më të lartë, ajo e grupit të strukturuar kriminal.

Nisët një vendim të dhjetorit por jo rikualifikimin e akuzës.

Beqaj – Prokurorit:

Pse s’e nisët?

Prokurori Edvin Kondili: Në dukje kjo është kërkesë për marrje vendimi, por në fakt në thelb është për shtyrje. Ndaj, kërkoj pezullim të afateve të paraburgimit dhe të arrestit shtëpiak.

Fraksion.com