Diplomatët rusë dhe amerikanë do të takohen në Turqi këtë javë

Ministri i Jashtëm rus Sergei Lavrov ka thënë sot se  diplomatët rusë dhe amerikanë do të takohen të enjten në Stamboll.

Të dy vendet do të diskutojnë “problemet sistemike” në funksionimin e ambasadave të dy vendeve të tyre, tha Lavrov në një konferencë shtypi në Katar, sipas agjencisë së lajmeve AFP.

Një takim i mundshëm midis Presidentit të SHBA Donald Trump dhe Presidentit rus Vladimir Putin ka qenë në skenë pasi Trump e telefonoi Putinin për të diskutuar negociatat për t’i dhënë fund luftës në Ukrainë. Asnjë datë nuk është caktuar ende.

Fraksion.com