“Brenda mandatit të parë përmbushim 100 % programin ndaj ish-të përndjekurve politikë”, Berisha: Ua kemi borxh…

Partia Demokratike do të përmbushë brenda mandatit të saj të parë, nëse fiton zgjedhjet parlamentare të 11 majit, programin e hartuar për trajtimin e ish-të përndjekurve politikë.

Kryetari i PD, Sali Berisha, tha të mërkurën në fjalën e tij në takimin me ish-të përndjekur politikë se kontrata e PD me këtë kategori do të realizohet 100 % që në mandatin e parë pasi është një borxh që ua ka shoqëria dhe Shqipëria.

“Në çdo aspekt, e kam shprehur shumë herë, vetëm në rrafshin material po të marrësh, qytete të tëra janë ndërtuar me mundin, djersën e të përndjekurve politikë që kanë shkri jetën.

Shumë prej jush, keni dhënë një kontribut të madh në kujtimet tuaja, në përshkrimet tuaja. Prej jush, letrarë, poetë, ndër më të talentuarit ranë për t’u bërë të pavdekshëm, por duke lënë një trashëgimi të pavdekshme, kryevepra të vërteta të letrave shqipe.

Po ku janë këto? Në vend se të jenë në piedestalin që meritojnë, këto janë të skajuara, këto janë të pluhrosura. Ndaj edhe, ju siguroj se, jo vetëm për indetitetin tuaj, por identitetin e çdo qytetari të lirë do bëjmë gjithçka për një ridimensionim të plotë në rrafshin shoqëror, artistik, letrar, parimor e të gjithëanshëm ndaj diktaturës totalitare që përjetuam”, tha Berisha.

“Zotohem para jush se PD do të realizojë të gjitha detyrimet që rrjedhin prej tij”, shtoi ndër të tjera në fjalën e tij, kreu i PD, Sali Berisha.

Fraksion.com