“Çdo natë ne jemi nën sulm”, deputetja ukrainase: Për ne, nuk duket sikur Rusia dëshiron fare paqe

Ndërsa  deputetja ukrainase ishte duke folur  me mikrofon   me Newsday të Shërbimit Botëror ndërpreitet energjia.

Pas ndërprerjes te energjisë në të gjithë Ukrainën, deputetja ukrainase Kira Rudik, nga partia pro-evropiane Holos, ka folur sërish me  Newsday të Shërbimit Botëror.

“Çdo natë ne jemi nën sulm”, thotë ajo.

“Për ne nuk duket sikur Rusia dëshiron paqen dhe ne jemi vërtet të befasuar që dikush në botë [Presidenti i SHBA Donald Trump] mendon ndryshe.

“Që ata të duan paqen do të ishte shumë e thjeshtë – të tërhiqnin trupat e tyre nga Ukraina dhe kaq”.

Ndërprerjet emergjente janë vendosur në disa rajone të Ukrainës pas sulmeve ruse në infrastrukturën energjetike, thotë operatori shtetëror i transmetimit të energjisë elektrike të Ukrainës Ukrenergo.

Ai nuk jep detaje të mëtejshme, por kompania më e madhe private e energjisë në Ukrainë DTEK raporton ndërprerje në kryeqytetin Kiev dhe rajonin më të gjerë, si dhe në rajonin qendror të Dnipropetrovsk.

Ka edhe ndërprerje të energjisë në Kherson në jug të Ukrainës, raporton në Telegram, Roman Mrochko, kreu i administratës ushtarake të qytetit Kherson.

Në një qytet tjetër jugor, Mykolayiv, rreth 100,000 njerëz kanë mbetur pa ngrohje pas një sulmi me dron rus.

Ndërkohë, ministria ruse e mbrojtjes thotë se ka kapur dhe shkatërruar 90 dronë ukrainas të dielën mbrëma.

Fraksion.com