“Ukraina po mbron rregullat e lojës”, thotë këshilltari ukrainas

Një këshilltar i shefit të shtabit të presidentit ukrainas Zelensky paralajmëron se nëse Ukraina nuk mbështetet nga komuniteti ndërkombëtar, Rusia do të nisë sulme të ngjashme kundër territorit të NATO-s.

“Dhe nëse miqtë tanë e kuptojnë këtë, ne do të kemi mbështetjen e tyre,” tha Serhiy Leshchenko për programin Newsday të BBC World Service.

Këshilltari politik thotë se Ukraina po “mbron rregullat e lojës” të institucioneve dhe sigurisë globale të vendosura pas Luftës së Dytë Botërore.

“Nëse Ukraina nuk mbështetet, ju do të paguani një çmim shumë më të lartë në të ardhmen,” thotë Leshchenko, duke shtuar se “nuk ka asnjë vend tjetër që dëshiron fundin e kësaj lufte më shumë se Ukraina”.

“Por ne po kërkojmë garanci sigurie,” thotë ai.

Fraksion.com