Papa Françesku shtrohet në spital, Vatikani: Do kryejë ekzaminime mjekësore për bronkitin

Papa Françesku do të shkojë në spitalin e Romës pasi do të marrë trajtim për bronkit dhe ekzaminime mjekësore, tha Vatikani.

Ndërkohë ai është shtruar në spital. Siç thuhet në një deklaratë të Vatikanit, Papa, pas seancës dëgjimore të së premtes, është transferuar në Poliklinikën Gemelli në Romë për analiza diagnostikuese dhe trajtim për bronkitin.

Pesë ditë më parë Papa Françesku ndërpreu fjalimin e tij në sheshin e Shën Pjetrit për shkak të bronkitit.

Në fakt, pak ditë më parë, Françesku, për shkak të problemeve me frymëmarrjen, kishte vendosur të ndërpresë takimet e tij zyrtare në Pallatin Apostolik të Vatikanit dhe si vend alternativ kishte zgjedhur bujtinën Shën Marta, brenda Vatikanit, ku ai banon.

Fraksion.com