“Si Trump, u përndoq nga një qeveri që nuk respekton demokracinë”,Berisha prezanton udhëheqësin e fushatës së Trump: Chris LaCivita do drejtojë fushatën e PD-së për 11 majin
Kryetari i Partisë Demokratikë Sali Berisha ka prezantuar Christopher LaCivitan si drejtuesin e fushatës elektorale për zgjedhjet e 11 majit, për Partinë Demokratike.
Në fjalën e tij në konferencën e mbajtur për mediat, LaCivita u shpreh se Berisha ashtu si presidenti i SHBA Donald Trump, fushatën e të cilit ai ka drejtuar, është përndjekur nga një qeveri e cila nuk e respekton demokracinë.
Në konferencën për shtyp Berisha tha se “Këtu jam para jush me Chris LaCivita kryetarin e komitetit kombëtar republikan dhe bashkarkitektin e fushatës së rikthimit me votën e lirë të Donald Trump në Shtëpinë e Bardhë.
LaCivita është njeriu që pati fatin e madh ti drejtohet kombit amerikan nga Florida natën e shpalljes së fitores së Trump. Koalicioni ynë është i nderuar që një nga dy kryearkitektët e fushatës së fitores së 11 Majit të jetë Chris LaCivita”.
Ai shtoi se edhe populli shqiptar, ashtu si populli amerikan kërkon më shumë nga qeveria, ndaj kryedemorkati Berisha do të fitojë më 11 maj, sipas tij.
“Opozita e bashkuar jemi sot këtu sepse dëshirojmë të zgjedhim një kryeministër që është një mik i SHBA dhe do të punojë në mënyrë të suksesshme me Trump dhe SHBA. Kryeministri aktual nuk është asgjë më shumë se kukull i Sorros. Nuk mund të jesh edhe kukull e tij edhe mik i SHBA. Vetëm Berisha është një mik i vjetër dhe i vërtetë i SHBA.