Sekretari i Përgjithshëm i NATO-s lavdëron rezervistët “Njerëzit mund të flenë të qetë duke e ditur se jeni gati”

Sekretari i Përgjithshëm i NATO-s, Mark Rutte, mori pjesë në takimin plenar dimëror të Komitetit Vjetor të Forcave Rezervë Kombëtare (NRFC),  (më 29 janar 2025), organizuar në selinë e NATO-s nga 27 deri më 31 janar.

Në fjalët e tij drejtuar rezervistëve dhe përfaqësuesve të ushtrisë, Sekretari i Përgjithshëm pranoi rolin jetik të luajtur nga forcat rezervë si pjesë e mbrojtjes dhe parandalimit të NATO-s. Ai tha: “Ju përfaqësoni një shtyllë jetike të mbrojtjes sonë kolektive. Forcat rezervë përbëjnë mbi gjysmën e forcës së ushtrive të Aleatëve të NATO-s gjatë kohës së luftës. Njerëzit mund të flenë të qetë duke e ditur se jeni gati.” Z. Rutte vlerësoi gjithashtu rezervistët si një urë lidhëse midis shoqërisë civile dhe ushtrisë në një kohë kur NATO duhet të adoptojë një mentalitet të kohës së luftës.

Në takimin vjetor morën pjesë rezervistë nga të gjitha vendet aleate, si dhe nga partnerët e NATO-s Australia, Austria, Gjeorgjia, Zelanda e Re dhe Republika e Koresë. Në konferencë mori pjesë edhe zëvendësministri ukrainas i Mbrojtjes, Serhiy Melnyk.

Fraksion.com