Paralajmërimi i Ekspertëve: Mos ngarkoni të dhëna personale në platformën kineze të AI

Platforma e re e inteligjencës artificiale i shkaktoi humbje prej 1 trilion dollarësh bursave amerikane të teknologjisë këtë javë dhe u bë aplikacioni falas më i shkarkuar në Britani dhe SHBA. Donald Trump e quajti këtë një “thirrje zgjimi” për gjigantët amerikanë të teknologjisë.

Shfaqja e kësaj platforme në treg ka tronditur botën e teknologjisë duke treguar se mund të arrihet një performancë e ngjashme me platformat si ChatGPT po më një buxhet shumë më të vogël.

Michael Wooldridge, një ndër profesorët themelues të AI në Universitetin e Oksfordit, tha se të dhënat personale në këtë platformë mund të përhapen.

“Mendoj se është mirë ta shkarkosh dhe ta pyesësh për performancën e Liverpoolit ose të bisedosh për historinë e perandorisë romake, por a do të rekomandoja të fusni të dhëna sensitive, personale apo private në aplikacion? Absolutisht jo… Sepse ju nuk e dini se ku shkojnë ato të dhëna. Ne duhet të jemi të alarmuar. Kemi parë herë pas here se si Pekini e përdor dominimin teknologjik për mbikëqyrje, kontroll dhe detyrim, si brenda dhe jashtë vendit”, tha Ross Burley, një bashkëthemelues i Qendrës për Rezistencën e Informacionit, e cila është pjesërisht e financuar nga qeveritë e SHBA dhe Britanisë.

Ai tha se, nëse nuk kontrollohet, mund të ushqejë fushata dezinformuese, të gërryejë besimin e publikut dhe të rrënjos narrativat autoritare brenda demokracive tona.

DeepSeek është një platformë “open source”, që do të thotë se zhvilluesit e saj mund ta përshtatin sipas qëllimeve të tyre. Ajo ka ndezur shpresat për një valë të re inovacioni në AI, e cila ishte dukur se dominohej nga kompanitë e teknologjisë amerikane të mbështetura në investime të mëdha në mikroçipe, qendra të dhënash dhe burime të reja energjie.

“Ajo sinjalizon me forcë, në rast se dikush nuk e kishte marrë mesazhin, se Kina nuk është prapa në këtë hapësirë”, tha Wooldridge.

Disa njerëz që testojnë DeepSeek kanë zbuluar se ai nuk do t’u përgjigjet pyetjeve mbi tema të ndjeshme si masakra e Sheshit Tiananmen. Kur pyetet për statusin e Tajvanit, ai përsërit linjën e partisë komuniste kineze se ishulli është pjesë e Kinës.

“Problemi më i madh me AI është keqinformimi. Kjo varet nga të dhënat në një model, anshmëria në ato të dhëna dhe mënyra se si përdoret. Ju mund ta shihni atë problem me platformën e DeepSeek”, tha Hall.

Njerëzit përdorin modele të AI si DeepSeek dhe ChatGPT për t’i ndihmuar ata të përpunojnë letrat ose dokumentet personale për punë, por çdo gjë e ngarkuar mund të merret nga pronari i kompanisë dhe të përdoret për të trajnuar AI ose për qëllime të tjera.

DeepSeek ndodhet në Hangzhou dhe e bën të qartë në politikën e tij të privatësisë se informacioni që mbledh nga përdoruesit mbahet në serverë të sigurt që ndodhen në Republikën Popullore të Kinës”.

Fraksion.com