Kremlini thotë se është ‘gati për dialog të barabartë’ pas kërcënimit të Trump me sanksione

Rusia thotë se mbetet “e gatshme për një dialog të barabartë, një dialog të respektueshëm reciprok”, duke reaguar ndaj kërcënimit të presidentit amerikan Donald Trump për të vendosur sanksione kundër Moskës nëse ajo nuk e “ndalonte këtë luftë qesharake” në Ukrainë.

“Ne jemi duke pritur për sinjale që ende nuk kanë mbërritur,” thotë zëdhënësi i Presidentit Vladimir Putin, Dmitry Peskov.

Ai shton se Rusia nuk sheh asgjë të re në kërcënimet e Donald Trump për të vendosur sanksione.

“Atij i pëlqejnë këto metoda, të paktën i kanë pëlqyer gjatë presidencës së tij të parë”.

Përgjigja vjen pas një komenti dje nga zëvendës ambasadori rus në OKB Dmitry Polyanskiy, i cili thotë se Kremlini duhet të dijë se çfarë dëshiron Trump në një marrëveshje për t’i dhënë fund luftës përpara se të ndërmarrë ndonjë hap të mëtejshëm.

Për kontekstin: Rusia pushtoi dhe aneksoi një pjesë të Ukrainës, Krimenë, në 2014. Më pas filloi një pushtim të plotë të Ukrainës në vitin 2022

Fraksion.com