“Shqipëria për të huajt dhe pak për shqiptarët”, Rama replikon me komentuesit: Dielli nuk mbulohet me shoshë! E di ti miku im sa….
Kryeministri Edi Rama ka replikuar sërish me ndjekësit në rrjetet sociale. Një komentues i ka shkruar kreut të qeverisë në faqen e tij të Facebook se “qeveria investohet në luks dhe gjëra defrimi”, ndërsa shton se “Shqipëria po bëhet për të huajt dhe për pak shqiptarë”.
Duke iu përgjigjur qytetarit, Rama thekson se janë mijëra shqiptarë rezidentë në vend të cilët bëjnë pushimet brenda në Shqipëri. Kreu i qeverisë shton se Shqipëria dikur shihej si “delja e zezë”, ndërsa sot është destinacion për të huajt të cilët kur mbërrijnë në shtëpi paguajnë si për fjetjen ashtu edhe për gjërat që konsumojnë, duke injektuar para në ekonominë shqiptare.
Qytetari: “Shumë investime në luks dhe gjëra defrimi (Shqipëri për të huaj dhe për pak shqiptarë) shpien në varësi nga prurjet e turizmit dhe paqëndrueshmëri ekonomike. Duhen investime në ekonominë bazë që mban popullsinë të lidhur me territorin si në bujqësi dhe industri të lehtë përpunuse, pse jo dhe në naftë e minierale që duhet t’i kthehen shtetit. Falimentimi i shteteve dhe zhytja në borxhe erdhi kur neoliberalizmi i detyroi shtetet të shesin asetet prodhuese me fitim.
Edi Rama: “Shqipëria për të huaj dhe për pak shqiptarë”! Vërtetë e ke? Këta të huaj kur vijnë këtu e marrin ushqimin me vete apo hanë në tryezat e shqiptarëve? Vijnë me krevat në krah apo flenë në hotelet dhe bujtinat e shqiptarëve? Çudi e madhe kur thuhet se shqiptarët nuk bëjnë turizëm. E di ti miku im sa shqiptarë bëjnë pushime brenda dhe lëvizin në fundjavë? Po flas për shqiptarë që jetojnë në Shqipëri, jo për ata jashtë.
