Departamenti i Thesarit të SHBA-së sanksionon 8 persona në Bosnje
Zyra e Departamentit të Thesarit të SHBA-së për Kontrollin e Pasurive të Huaja sanksionoi sot rrjetin e patronazhit të Presidentit të Republikës Srpska, Milorad Dodik dhe persona të tjerë në Bosnje dhe Hercegovinë për minimin e paqes rajonale dhe sundimit të ligjit.
Aksioni i sotëm, theksohet në njoftim, synon tetë individë të cilët, nën drejtimin e Dodik, organizuan dhe ekzekutuan përkujtimin e “Ditës së Republikës Srpska” në janar 2024, në kundërshtim me parimet e Marrëveshjes së Paqes të Dejtonit (DPA), të cilën Gjykata Kushtetuese e Bosnjës e shpalli jokushtetuese.
“Veprimi i sotëm nxjerr në pah përpjekjet e vazhdueshme të Dodik për të minuar kuadrin demokratik dhe multietnik që përcakton Bosnjën dhe Hercegovinën moderne”, tha nënsekretari i Thesarit për Terrorizmin dhe Inteligjencën Financiare Bradley T. Smith.
“Shtetet e Bashkuara, duke shfrytëzuar autoritetet tona të zgjeruara, mbeten të përkushtuara për të penguar çdo përpjekje të Dodik dhe miqve të tij për të pasuruar veten dhe për të destabilizuar rajonin”.
Fraksion.com
