Shkatërrohet vila luksoze e “trashëgimtares së artë” në Los Angeles, Paris Hilton publikon pamjet
Hi dhe rrënoja kanë mbetur nga pallatin luksoz i Paris Hilton për shkak të zjarrit që shpërtheu Los Angeles dhe ka shkaktuar shkatërrime të mëdha dhe vdekjen e 10 personave.
Zjarret kanë shkatërruar shtëpitë e qytetarëve të thjeshtë si dhe të personaliteteve të mëdha të Hollivudit. Mes të famshmëve është edhe “trashëgimtarja e artë”, Paris Hilton e cila siç ka bërë të ditur në postimin e saj në Instagram, ka parë shtëpinë e saj të djegur drejtpërdrejt në lajme.
Në llogarinë e saj personale ajo ka postuar videon ku u tregon miqve të saj në internet se sa dëme ka pësuar pallati i saj. Siç shihet edhe në klip, duket se ka mbetur në këmbë vetëm hyrja e shtëpisë, ndërsa rreth saj ka vetëm hi.
Në mbishkrimin e postimit të saj, Paris Hilton shprehu pikëllimin e saj pas humbjes së shtëpisë, pasi kishte shumë kujtime prej saj, së bashku me familjen e saj. Megjithatë, ajo shprehu mirënjohje që të dashurit e saj dhe kafshët shtëpiake janë të sigurta.
Fraksion.com
