Ermal Hoxha paraqitet në SPAK, nipi i ish-diktatorit ka qenë i dënuar për laboratorin e Xibrakës

Ermal Hoxha, nipi i Enver Hoxhës, është paraqitur në SPAK mesditën e së hënës (6 Janar).

Prokuroria e Posaçme nuk ka dhënë detaje rreth arsyes së thirrjes së Ermal Hoxhës.

Kujtojmë që Hoxha ka qenë i dënuar për laboratorin e drogës në Xibrakë, dosje e cila është hapur pas një denocimi të kreut të Grupit të PD-së, Gazment Bardhi.

Ermal Hoxha u dënua nga Gjykata e Krimeve të Rënda në korrik të 2017 me 10 vite burgim, por përfitoi nga gjykimi i shkurtuar dhe dënimi iu ul në 6.8 vite.

Ai u lirua nga burgu rreth një vit më vonë, më 13 Shtator 2018, me liri me kusht nga gjyqtari i Gjykatës së Fierit, Piro Sota.

Fraksion.com